MS Argos Froyanes blei bygd i 2001. Skroget er bygd i Riga, medan utrustning er gjort ved Solstrand Verft. Fartøyet er som fyrste moderne linebåt utstyrt med diesel-elektrisk drift. Opprinneleg namn var Frøyanes. I ein periode gjekk ho i skytteltrafikk mellom fiske i Barentshavet i sommarhalvåret og tannfiske i Rosshavet på vinterstid. Frå 2007 er ho på St.Helena (UK) flagg, og fiskar heile året etter tannfisk i Rosshavet og rundt Sør-Georgia i Sør-Atlanteren.

MS Brimøy er bygd på Solstrand Verft AS i 1988 som Atlantic Explorer for eit kanadisk rederi. I 1992 er fartøyet på New Zealand under namnet Lord Auckland, før ho i 1999 er tilbake i Norge som Vestliner. Namnet vart endra til Nordkappjenta då båten i 2000 blei nord-norsk. I dag er namnet Brimøy som følgje av at båten er eigd og vert dreven i samarbeid mellom Willy Nyvoll og Bugge/Brekke familien på Sunnmøre.

MS Erliner er ein gamal travar i autolineflåten. Bygd i 1973 som Førde, eigd av autolinepioneren Erling Førde. Då ho fekk nytt namn i 1997 var dette ein gest til han. Fartøyet har vorte lengd fleire gongar. Siste ombygging vart gjort i 2000.

MS Frøyanes er bygd ved Tersan-verftet i Tyrkia og er "verdas største linebåt" med sine 60 meter. Ho er bygd med moonpool og kan med rette kallast ein fabrikkautoliner, då ho er utstyrt med fabrikk som skal produsere ferdigvarer klare for butikken, samt har installert hermetikkfabrikk om bord. Fartøyet er godt eigna til å ta i mot lærlingar.
Les meir om nye Frøyanes under aktuelt.

MS Nordic Sea er ein riktig globetrottar til liks med mange av båtane i Ervik-gruppa. Bygd i 1978 som Nygårdsjøen. Seinare namn er Kamaro i 1991, før ho blei seld til Skottland i 1997 og fekk namnet Nordic Prince. I 2000 er ho igjen tilbake i Norge og for fyrste gong i Ervik-gruppa, no under namnet Nordic Sea. I 2001 seld til Russland, men beheld namnet. Nordic Sea fiskar på russiske kvotar, men Ervik Havfiske AS er norsk agent for fartøyet.

MS Seljevær er fartøy nr 3 i 1998-serien. Skrog bygd i Romania og utrusta ved Blålid AS. Allereie i 2000 er fartøyet på fransk flagg, klar for fiske etter tannfisk ved Kerguelen og St. Crozet. Med base på Reunion i det Indiske havet fekk ho namnet Antarctic 1. Sommaren 2003 er ho tilbake i Norge med gamle namnet på plass, men allereie ved årsskiftet 2003/2004 er ho igjen på veg sørover. No som Argos Helena for å fiske etter tannfisk i Rosshavet/Sør-Georgia på St Helena (UK) flagg. Etter eitt år der, svingar ho austover mot Reunion og endrar namn til Antarctic 1 igjen. Hausten 2009 blir ho henta attende til Norge og får enno ein gong namnet Seljevær.

MS Stålholm er bygd i 1978 ved Th. Hellesøy skipsbyggeri. Ho har vore både linebåt og trålar før ho hausten 2010 vart ombygd til garnbåt. Opprinneleg heitte ho Bømmelfisk. Fekk seinare namnet Sildøy i 1996, før ho blei seld til Island i 2001 og fekk namnet endra til Sildey. I 2006 er fartøyet tilbake i Norge, no som Stålholm.

MS Stattegg er bygd 1985 ved Aas Mek Verksted som Leinebris. I 1988 blei ho lengd. Frå 1997 bar ho namnet Veststeinen og høyrde til i Bremanger. I 2004 vert namnet skifta til Stattegg, då ho kom inn under Ervik-gruppa.

MS Statthav er bygd i 1979 ved Søviknes Verft som Vågstein. Lengd i 1987. I 1992 skifta namn til Frøyanes Junior då ho blei kjøpt inn til Stadlandet som båt nr 2 i det som seinare har blitt Ervik-gruppa. Skifta namn til Statthav Junior i 1998, og til Statthav i 2000. I dag knytt til Ervik-gruppa gjennom samarbeidet med Bjørnhaug-rederiet på Møre.

MS Vest Freezer er enno ein globetrottar. Bygd i 1989 ved Marystown Shipyard i Kanada som garnbåten Makkovik Banker. I 1995 kjøpt til Norge, lengd ved Båtbygg AS og omdøypt til Frøyanes. I 1999 seld til Færøyane kor ho fekk namnet West Freezer. Kjøpt tilbake i 2006 og fiska på norske kvotar, men under same namn. I 2007 erstatta ho Konstantin Konstantinov i Russland, men beheldt namnet, men skrive som Vest Freezer . I august 2011 er ho igjen tilbake i Norge, og beheld framleis namnet. Skal fiske på norske kvotar.

MS Vestfisk er bygd i 1980 ved Solstrand verft som Holmeset Senior. Ombygd 1991 etter brann. Samtundes vart namnet endra til Nordkyn Pioner. I 1997 blei ho lengd ved Kimek AS og fekk namnet Vestfisk.

MS Veststeinen er fartøy nr 1 i 1998-serien. Skrog bygd i Romania og utrusta ved Båtbygg AS under namnet Frøyanes Junior. I 2003 skifta ho namn i samband med salet til Veststeinen-rederiet.