 Nordic Marine AS blei etablert i 1996 med dei ulike reiarlaga i Ervik-gruppa som aksjonærar. I dag er selskapet eigd 100 % av Ervik Havfiske AS og fungerer som gruppa sitt selskap for innkjøp av fiskeutstyr, agn og emballasje. Selskapet held til på Otneimneset på Stadlandet, kor dei forutan kontor og lager, óg har fryseri og oljetank for leveranse til fartøya. Nordic Marine AS leverer óg til fartøy utanfor gruppa.
I 2008 bygde ein til ei etasje på toppen av eksisterande bygg der det meste av administrasjonen i Ervik-gruppa no held til.
Nordic Marine har eiga snikkaravdeling som tek seg av naudsynt vedlikehald på fartøya. Det andre vedlikehaldet av fartøya selskapet tok hand om tidlegare, vert no utført av dotterselskapet Westmek AS.
Nordic Marine har 2 kaier, ei på 13 meter og ei på 40 meter.
|
