 Westmek AS vart etablert i 2004. Selskapet vart etterkvart eit heileigd dotterselskap til Nordic Marine AS og tok over vedlikehaldet på fartøya i Ervik-gruppa. Fram til april 2008 heldt selskapet til i lokala til Nordic Marine på Otneimneset.
I 2008 etablerte selskapet seg på industriområdet i Borgundvågen på Stadlandet med eigen verkstadhall med kontoravdeling, forutan lager/produksjonshall. Her midt i skipsleia mellom Måløy og Ålesund har selskapet rikeleg tilgang på eigne og kommunale kaianlegg.
Westmek produserar utstyr for handsaming av fisk om bord i havgåande fiskefartøy. Selskapet prosjekterer, teiknar og monterer installasjonar i rustfritt stål, syrefast stål og aluminium over heile Nord-Vestlandet.
Selskapet har òg oppdrag for andre fartøy og gjennomfører klassearbeid i tett og godt samarbeid med Det Norske Veritas, Bureau Veritas og Sjøfartsdirektoratet.
Selskapet leverer òg tenester til landbaserte industrianlegg, samt har oppdrag for oppdrettsnæringa i regionen.
|
